Група Бабарыкі сабрала больш за 300 тысяч подпісаў

Ініцыятыўная група Віктара Бабарыкі сабрала за яго вылучэнне больш за 300 тысяч подпісаў. Пра гэта прэтэндэнт у прэзідэнты паведаміў на прэс-канферэнцыі 11 чэрвеня. 

Дакладнай лічбы ён назваць не змог. Але запэўніў, што "ідэальна вывераных" лістоў — больш за сто тысяч. 

Таму Бабарыка ўпэўнены, што яго зарэгіструюць кандыдатам у прэзідэнты. 100 тысяч — гэта неабходны мінімум пры рэгістрацыі. 

Пра пераадоленне статысячнага бар'еру паведамлялі таксама Аляксандр Лукашэнка, Валерый Цапкала, Ганна Канапацкая, Наталля Кісель.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.