Германія хоча высветліць, хто прыдатны да службы. Так рыхтуюцца да нападу Расіі
Нямецкія ваенныя / Getty Images
Германія спрабуе павялічыць колькасць войска. Для гэтага ўрад зацвердзіў новы план ваеннай службы, які могуць прыняць да канца года, паведамляе ВВС.
З наступнага года ўсім 18-гадовым мужчынам і жанчынам адпраўляць анкету, у якой яны змогуць адзначыць, ці гатовыя служыць у ўзброеных сілах. Мужчыны будуць абавязаны яе запоўніць, жанчыны змогуць выбраць. З ліпеня 2027 года ўсе 18-гадовыя мужчыны таксама павінны будуць праходзіць медыцынскае абследаванне для ацэнкі прыдатнасці да службы. У выпадку пачатку вайны армія змогуць выкарыстоўваць анкеты і вынікі медыцынскіх аглядаў патэнцыйных новабранцаў.
На дадзены момант колькасць ваенных у бундэсверы складае каля 182 тыс. чалавек. Новая мадэль ваеннай службы прадугледжвае павелічэнне гэтай колькасці на 20 тыс. чалавек ужо ў наступным годзе. На працягу наступных 10 гадоў армія павінна вырасці да 255–260 тыс. чалавек без уліку 200 тыс. рэзервістаў.
Калі пастаўленыя ўрадам мэты не будуць дасягнутыя, парламент можа разгледзець пытанне аб увядзенні абавязковай службы.
Раней у гэтым годзе кіраўнік абарончнага ведамства Германіі генерал Карстэн Брэйер заявіў, што НАТО павінна рыхтавацца да магчымай атакі Расіі цягам чатырох гадоў.
