Дэпардзьё прадаў статуэтку беларускага скульптара са сваёй калекцыі
Скульптура Восіпа Цадкіна "Жанчына, якая стаіць на каленях" / ader-paris.fr
Актор Жэрар Дэпардзьё выставіў на аўкцыён частку сваёй мастацкай калекцыі. Сярод іншага ён прадаў статуэтку беларускага скульптара-авангардыста Восіпа Цадкіна.
Скульптура "Жанчына, якая стаіць на каленях" пайшла з малатка за 105 тысяч еўра.
Агулам актор прадаў на аўкцыёне каля 250 карцін і скульптур са сваёй калекцыі і зарабіў на іх 4 мільёны еўра.
Восіп Цадкін (1890-1967) — ураджэнец Віцебска. Вучыўся разам з Маркам Шагалам. Жыў у Брытаніі, Францыі, ЗША. Набыў міжнародную вядомасць сваімі экспрэсіяністычнымі скульптурамі ўжо ў 1920-я гады.
Некаторыя скульптуры Цадкіна захоўваюцца ў карпаратыўнай калекцыі Белгазпрамбанка ў Мінску, якой апекаваўся Віктар Бабарыка.
