ЦВК абвясціў рэкордную яўку на датэрміновым галасаванні

Яўка на датэрміновым галасаванні прэзідэнцкіх "выбараў" склала 41,81%, паведамляе Цэнтральная выбарчая камісія. Гэтая лічба пабіла ўсе рэкорды папярэдніх электаральных кампаній. 

Папярэдні афіцыйны рэкорд быў усталяваны на парламенцкіх выбарах 2024 года, калі, паводле дадзеных ЦВК, датэрмінова прагаласавалі 41,71% грамадзян.

Датэрміновае галасаванне на прэзідэнцкіх выбарах 2025 года пачалося 22 студзеня і завяршылася 25 студзеня. 

Прэзідэнцкая кампанія праходзіць у ўмовах рэпрэсій і жорсткага кантролю. Таксама ў краіне няма незалежных назіральнікаў.

У Беларусі з 25 па 27 студзеня будзе абмежаваны доступ у інтэрнэт. З Беларусі нельга будзе зайсці на многія замежныя сэрвісы, а з-за мяжы — на беларускія сайты.