Брэсцкі маршрутчык збіў калегу за тое, што той яго падрэзаў
Праваахоўнікі шукаюць відавочцаў здарэння, якое адбылося ў Брэсце 27 ліпеня 2018 года, паведамляе Следчы камітэт.
У той дзень прыкладна ў 8.30 раніцы 40-гадовы кіроўца маршрутнай таксоўкі №35 не менш як тры разы стукнуў кулаком у галавы 41-гадоваму калегу —кіроўцу маршруткі №4. Мужчына атрымаў цяжкія цялесныя пашкоджанні.
Нападнік патлумачыў, што пацярпелы "падрэзаў" яго падчас руху па вуліцы Арлоўскай, дзе і адбыўся канфлікт.
На нападніка пачалі крымінальную справу за наўмыснае прычыненне цяжкага цялеснага пашкоджання.
Следства просіць людзей, якія былі пасажырамі гэтых маршрутак, альбо сталі відавочцамі інцыдэнту, паведаміць пра гэта па тэлефоне: +375 (33) 600 55 88.
