Беларускія добраахвотнікі паказалі, як робяць графіці з Каліноўскім у Бахмуце

Беларускія добраахвотнікі з палка Каліноўскага паказалі, як робяць графіці ў Бахмуце — знаходзяць час паміж баямі. На сценах будынкаў з'явіліся выявы легендарнага Кастуся Каліноўскага. "Такое графіці абавязкова з'явіцца і ў Данецку, і ў Луганску, і ў Марыупалі, і ў Крыме!", — пішуць яны.  А таксама спадзяюцца, што жыхары Беларусі чакаюць з'яўлення такіх графіці ў сваіх населеных пунктах.

Тым часам сітуацыя ў Бахмуце становіцца ўсё цяжэйшай. Камандуючы ўкраінскіх сухапутных войскаў, генерал-палкоўнік Аляксандр Сырскі заявіў у аўторак, што расіяне працягваюць спробы захапіць горад, нягледзячы на вялізныя страты. На штурм кінутыя найлепшыя атрады "вагнераўцаў". Яны намагаюцца акружыць украінскі гарнізон Бахмута.