Ад -5 °С да +22 °С: якое надвор'е чакае беларусаў у выходныя
Надвор'е ў Беларусі / Shutterstock
12 красавіка, у Беларусі чакаецца пераменная воблачнасць. Уначы і раніцай у многіх раёнах невялікія ападкі (снег, мокры снег, дождж), днём пераважна без ападкаў. Уначы і раніцай месцамі слабы туман, на асобных участках дарог галалёдзіца. Вецер няўстойлівы 3–8 м/с. Тэмпература паветра ўначы ад -5 да +1 ° С, максімальная днём ад +4 ° С па ўсходзе да +12 ° С па захадзе.
У наступныя два дні будзе воблачна з праясненнямі.
У нядзелю, 13 красавіка, месцамі невялікія кароткачасовыя ападкі (дождж, мокры снег). Уначы і раніцай у асобных раёнах па ўсходзе слабыя туман і галалёд, на дарогах галалёдзіца. Вецер заходні днём з пераходам на паўднёвы 4–9 м/с. Тэмпература паветра ноччу ад -2°С па паўднёвым усходзе да +6°С па паўночным захадзе, максімальная днём ад +6°С ва ўсходніх раёнах да +19°С у паўднёва-заходніх.
У панядзелак, 14 красавіка, уначы пераважна без ападкаў, раніцай і днём пераважна па заходняй палове кароткачасовыя дажджы. Вецер паўднёвай чвэрці 5–10 м/с, днём парывы да 14 м/с. Тэмпература паветра ноччу ад +1°С па ўсходзе да +9°С па захадзе, днём ад +12 да +19°С, месцамі па захадзе да +22°С.
