25 лютага спаўняецца год, як стартавала кампанія "Гавары праўду!"
Тады ініцыятары кампаніі абвясцілі сваю мэту: паказаць беларускаму грамадcтву рэальны стан рэчаў у краіне, дзе мала месца праўдзе і шмат — хлусні.
"Гавары праўду!" пачыналася як грамадзянская кампанія, а далей ператварылася ў палітычную, выбарчую кампанію, паведамляе Радыё Свабода.
На прэзідэнцкіх выбарах "Гавары праўду" агітавала за Ўладзіміра Някляева.
Шмат актывістаў "Гавары праўду!" пасля выбараў трапілі за краты: сам лідэр кампаніі Ўладзімір Някляеў быў жорстка збіты, Андрэй Дзмітрыеў і Сяргей Вазняк правялі пэўны час і турме КДБ, Аляксандар Фядута, Павал Вінаградаў дагэтуль там. Някляеў знаходзіцца пад хатнім арыштам.
Усім ім выстаўлены абвінавачваньні ў арганізацыі масавых беспарадкаў.
