150 самалётаў і беспілотнікаў. Генерал ЗША расказаў, як спецназ ішоў за Мадура
Самалёты F-35 рыхтуюцца да баявога вылету / Reuters
Старшыня Аб’яднанага камітэта начальнікаў штабоў генерал Дэн Кейн падрабязна расказаў пра аперацыю па захопе Нікаласа Мадура.
Генерал Кейн паведаміў, што падрыхтоўка да аперацыі была шматузроўневай. Была арганізавана сачэнне за Мадура, збіраліся разведвальныя даныя, спецназ трэніраваўся і адпрацоўваў узаемадзеянне з вайскоўцамі. Была пабудавана копія рэзідэнцыі Мадура. Усё гэта доўжылася некалькі месяцаў.
Ужо да снежня ўсё было гатова, але ўмяшаліся ўмовы надвор’я. Удзельнікам аперацыі давялося некалькі тыдняў чакаць прыдатнага надвор’я.
У ноч на 3 студзеня яно ўсталявалася, і прэзідэнт ЗША Дональд Трамп аддаў загад аб пачатку аперацыі.
Паводле слоў Кейна, у паветра адначасова з 20 баз узняліся больш за 150 самалётаў і беспілотнікаў. З авіяносца ў Карыбскім моры вылецелі верталёты з групай захопу, у склад якой увайшлі і прадстаўнікі Міністэрства юстыцыі. Ім належала вочна прад’явіць абвінавачанні Мадура.
