Выступ у Сенаце з крытыкай Трампа пабіў рэкорд па працягласці
Коры Букер / Reuters
Выступ у Сенаце з крытыкай прэзідэнта ЗША Дональда Трампа пабіў рэкорд па працягласці. 55-гадовы сенатар-дэмакрат Коры Букер прамаўляў 25 гадзін і 5 хвілін без перапынку.
Як піша АР, папярэдні рэкорд быў устаноўлены 68 гадоў таму сенатарам Стромам Турмандам — 24 гадзіны 18 хвілін. Ён намагаўся заблакаваць ухваленне законапраекта аб грамадзянскіх правах, які меў на мэце забяспечыць роўныя правы для афраамерыканцаў.
Букер прызнаўся, што перад выступам некалькі дзён галадаў. Піць ваду ён перастаў напярэдадні ўвечары. Аднак ужо падчас свайго выступу сенатар піў ваду.
Коры Букер крытыкаваў палітыку Трампа ў сацыяльным забеспячэнні, адукацыі, іміграцыі і ахове здароўя. Прыгадаў ён і нечаканы паварот прэзідэнта ЗША ў знешняй палітыцы.
