Украінцаў, якія выехалі за мяжу, заклікалі не вяртацца на радзіму да вясны
Украінская сям'я выязджае ў Польшчу / twitter.com/Straz_Graniczna
Украінцаў, якія выехалі за мяжу, заклікалі не вяртацца на радзіму да вясны. З такой заявай выступіла віцэ-прэм'ер, міністр па пытаннях рэінтэграцыі часова акупаваных тэрыторый Украіны Ірына Верашчук.
"Вы бачыце, што робіць Расія, — цытуе словы Верашчук hromadske.ua. — ...На жаль, электрасеткі не вытрымліваюць. Калі ў вас ёсць магчымасць перазімаваць за мяжой, то варта гэта зрабіць".
Ірына Верашчук мае на ўвазе расійскія ўдары па грамадзянскай інфраструктуры Украіны, якія мэтанакіравана адбываюцца ў кастрычніку. Нагрузка на энергесеткі цяпер занадта вялікая, і дадатковая колькасць людзей у краіне сітуацыю зробіць больш складанай.
