Удзельнікаў мядзельскага "народнага апалчэння" вучылі разбіраць аўтамат

У аўторак збіралі на заняткі "добраахвотнікаў" з мядзельскага атрада "народнага апалчэння". Спачатку вайскоўцы і міліцыянты расказалі пра іх "асноўныя задачы і мэты". А пасля "байцам" была прадастаўлена магчымасць "асвяжыць свае навыкі карыстання аўтаматам АК-74". "Грамадзяне з вялікай цікавасцю ажыццяўлялі няпоўную разборку аўтамата", — піша раённая газета. Многія прысутныя мужчыны дзясяткі гадоў не трымалі яго ў руках.

Атрады "народнага апалчэння" ў РБ пачалі ствараць у 2022 годзе з лаяльных рэжыму Лукашэнкі людзей (нярэдка былых міліцыянтаў, вайскоўцаў, чыноўнікаў, паляўнічых), якім у сваіх населеных пунктах трэба будзе дапамагаць міліцыі ў змаганні з "дыверсантамі" і "незаконнымі ўзброенымі фармаваннямі", у ахове розных аб'ектаў. Некаторыя з удзельнікаў думалі, што іх рыхтуюць да вайны з NATO. Сёлета "народнае апалчэнне" падключалі да аховы выбарчых участкаў.