У жэнеўскім Палацы нацый ААН размаўляюць пра беларускі аўтарытарызм
У Жэневе, дзе адбываецца паседжанне Савета па правах чалавека ААН, абмяркоўвалася сітуацыя ў Беларусі.
Гэтай тэме была прысвечаная сёння сустрэча, на якой прысутнічалі прадстаўнікі буйнейшых міжнародных праваабарончых арганізацый, такіх як Human Rights Watch, Civicus, FIDH, Human Rights House Foundation, прадстаўнікі дэлегацый краін — сябраў Савета па правах чалавека ААН.
"Было падкрэслена, што тое, што зараз адбываецца ў краінах Блізкага Усходу, не мусіць засланіць трагічнае развіццё падзеяў у Беларусі, дзе аўтарытарныя ўлады цалкам ігнаруюць правы чалавека і фактычна аб'явілі вайну грамадзянскай супольнасці", — паведаміла БелаПАН праваабаронца Таццяна Рэвяка.
Абмяркоўваліся таксама магчымыя крокі з боку савета па прыняцці спецыяльнай рэзалюцыі па Беларусі, праект якой распрацаваны Human Rights Watch.
