У Варшаве сёння адбудзецца акцыя салідарнасці
У Дзень беларускай салідарнасці ў Варшаве беларускія студэнты, палітычныя ўцекачы, актывісты няўрадавых арганізацый, ладзяць акцыю каля Палаца Культуры.
Сёння, 16-га сакавіка адбудзецца акцыя салідарнасці ў выглядзе хэппенінгу.
"Актывісты будуць стаяць са сцягамі і банерамі і распаўсюджваць улёткі, якія будуць інфармаваць варшавян, палякаў аб тым, што цяпер адбываецца ў Беларусі. Мы лічым, што тэма Белаурсі не павінна сыходзіць з інфармацыйнай прасторы Польшчы", - распавёў актывіст кампаніі "Еўрапейская Беларусь" Зміцер Бародка, паведамляе Радыё Рацыя.
