У пятніцу ў Беларусі будзе да +28
Лета / Еўрарадыё
У пятніцу, 9 жніўня, у Беларусі прагназуецца пераменная воблачнасць, паведамляе Белгідрамет.
Уначы месцамі па захадзе, зранку і ўдзень па заходняй палове краіны пройдуць кароткачасовыя дажджы, у асобных раёнах прагрымяць навальніцы. Уначы і зранку месцамі чакаецца туман. Вецер будзе няўстойлівы, уначы — слабы, удзень — ад слабога да ўмеранага, пры навальніцах — парывісты.
Тэрмометры ўначы пакажуць 10-15 цяпла, па захадзе да +17. Удзень чакаецца 22-28 вышэй за нуль.
