У Падмаскоўі збілі дзясяткі ўдарных беспілотнікаў
У кватэры, у якую трапілі абломкі беспілотніка / ria.ru
Раніцай 11 сакавіка ў Падмаскоўі збілі дзясяткі ўдарных беспілотнікаў. Расійскія ўлады паведамляюць пра аднаго загінулага (ахоўнік паркоўкі ў Дамадзедава, на якую ўпалі аскепкі) і 18 параненых (пазней у бальніцах памерлі два чалавекі). Аскепкі беспілотнікаў упалі на шматпавярховік у Раменскім, пашкоджаныя сем кватэр з 19 да 22 паверха. З іх эвакуявалі 12 чалавек. У Дамадзедава беспілотнік упаў на чыгунку, яна пашкоджаная, спынены рух цягнікоў.
Агулам расійскія чыноўнікі кажуць пра больш за 60 збітых у Падмаскоўі беспілотнікаў (Мінабароны РФ — пра больш за 90), якія ляцелі на Маскву. У маскоўскіх аэрапортах уводзіліся абмежаванні, затрымліваліся рэйсы (у тым ліку паміж Мінскам і Масквой). Беспілотнікі збіваліся і ў іншых абласцях — агулам іх было каля 330.
Лічыцца, што гэта была самая маштабная атака беспілотнікаў на расійскую сталіцу з пачатку вайны.
Расія атакавала Украіну 126 БПЛА і балістычнай ракетай Іскандэр-М.
