У Мінску прайшоў Марш пенсіянераў (фота, відэа)

2 лістапада ў Мінску прайшоў традыцыйны Марш пенсіянераў. Людзі сабраліся а 14-й гадзіне на плошчы Незалежнасці. Міліцыянеры папярэджвалі ўдзельнікаў пра адказнасць за ўдзел у несанкцыянаванай акцыі, але гэта іх не спыніла. Яны пайшлі па ходніках праспекта Незалежнасці ў бок плошчы Якуба Коласа. Пенсіянеры неслі вялікі бел-чырвона-белы сцяг.

Па праспекце Незалежнасці ўдзельнікі акцыі прайшлі да плошчы Якуба Коласа, дзе спявалі і танчылі. Незадоўга да 17:00 акцыя скончылася, і ўсе разышліся.