У Мінпрацы назвалі колькасць прыватных пансіянатаў, якія прайшлі ліцэнзаванне

Толькі шэсць прыватных сацыяльных пансіянатаў атрымалі ліцэнзію і могуць легальна працаваць, паведаміла міністр працы і сацыяльнай абароны Наталля Паўлючэнка.

Прыватныя ўстановы павінны былі прайсці ліцэнзаванне да 1 кастрычніка 2024 года. Раней паведамлялася, што праверкі Міністэрства працы і сацыяльнай абароны, якія доўжыліся з 2022 года, не прайшлі 11 з 35 прыватных устаноў.

Дзяржаўныя пансіянаты аказаліся не гатовыя да прыёму пажылых людзей з прыватных пансіянатаў. У размовах з карэспандэнтамі Еўрарадыё іх прадстаўнікі паведамлялі, што нават пры наяўнасці свабодных месцаў трапіць да іх можна толькі праз пуцёўкі, якія выдаюцца мясцовымі выканкамамі пасля праходжання медыцынскай камісіі і збору неабходных дакументаў.

Колькі гэта зойме часу, яны не змаглі адказаць.