У "ЛНР" заявілі, што яе асноўны экспарт ішоў у Беларусь і яшчэ тры краіны
Вугаль з Данбаса / ria.ru
У "ЛНР" заявілі, што ў 2024 годзе яе асноўны экспарт ішоў у Беларусь і яшчэ тры краіны — Турцыю, Кыргызстан і Казахстан. Вугаль склаў 88,5% усяго экспарту самаабвешчанай рэспублікі (за мяжу адпраўлялі пераважна вугаль антрацыт). Таксама адпраўлялі тэкстыль і абутак, металы і вырабы з іх, харчовыя тавары і сельскагаспадарчую сыравіну, машыны і абсталяванне, паведамляе ТАСС.
Амаль 95% аб'ёму экспарту "ДНР" прыпадаюць на рафінаваную медзь і вугаль. У асноўным пастаўкі здзяйсняліся ў Беларусь, Кітай, Турцыю, Егіпет, Алжыр і Казахстан.
У канцы мінулага года стала вядома, што Беларусь рэзка павялічыла аб'ёмы імпарту грузаў з акупаваных Расіяй тэрыторый Украіны. Раней вазілі вугаль, летась аснову складаў металапракат і вырабы з металу. Сабекошт металургічнай прадукцыі на акупаваных тэрыторыях Украіны значна ніжэй за сярэднерынкавы.
