У Беларусі прызналі "экстрэмісцкім" тг-канал ізраільскага ваеннага эксперта

У Беларусі прызналі "экстрэмісцкім" тг-канал ізраільскага ваеннага эксперта, афіцэра запасу Арміі абароны Ізраіля Ігаля Левіна. Мінінфарм унёс яго ў спіс "экстрэмісцкіх матэрыялаў". Рашэнне ў канцы сакавіка прыняў суд Баранавіцкага раёна і Баранавічаў.

"Рэжым Лукашэнкі ў Беларусі прызнаў мой канал у ТГ "экстрэмісцкім", унёсшы яго ў свой чорны спіс, — піша Ігаль Левін. — Дзякуй, дзякуй, толькі, улічваючы, што я, звычайна, нічога не пішу пра Беларусь, тут відавочна пастукалі з Масквы".

Ваенны эксперт у сваім тг-канале піша пераважна пра вайну ва Украіне.