"Транснафта" ў верасні на чвэрць скарачае пастаўкі нафты ў Беларусь
Кампанія "Транснафта" заявіла, што ў наступным месяцы скароціць пастаўкі нафты ў Беларусь на 400 тысяч тон.
Як распавёў РБК віцэ-прэзідэнт "Транснафты" Міхаіл Баркоў, кампаніі трэба замяніць 700 км зношаных труб. Іначай прапампоўка нафты будзе ўяўляць "экалагічную небяспеку".
Нафтатрэйдары прадказваюць віток гандлёвай вайны паміж Беларуссю і Расіяй у сувязі з затрыманнем гендырэктара "Уралкалія" Уладзіслава Баўмгертнера.
Тым часам у канцэрне "Белнафтахім" заяўляюць, што пакуль не атрымалі афіцыйнага апавяшчэння ад расійскай кампаніі пра скарачэнне паставак у верасні, інфармуе interfax.by.
Фота — profi-forex.org
