Трамп забараніў трансгендарным спартоўцам выступаць у жаночых спаборніцтвах
Дональд Трамп перад падпісаннем указа / Reuters
Дональд Трамп забараніў трансгендарным спартоўцам выступаць у жаночых спаборніцтвах. Указ прэзідэнта ЗША датычыцца ў асноўным школьных, універсітэцкіх і аматарскіх спаборніцтваў.
"З гэтага часу жаночы спорт будзе толькі для жанчын, — сказаў Трамп. — З гэтым указам вайна з жаночым спортам скончаная!".
Прэзідэнт ЗША разлічвае, што Алімпійскі камітэт Злучаных Штатаў прыме падобную забарону. А пакуль Злучаныя Штаты будуць адмаўляць у візах трансгендарным спартоўцам. Таксама ад Міжнароднага алімпійскага камітэта будуць дамагацца змены правілаў у дачыненні да спартоўцаў-трансгендараў ужо да пачатку Алімпійскіх гульняў у Лос-Анджэлесе ў 2028 годзе.
