Трамп настойвае на сустрэчы Пуціна і Зяленскага. Чаму маўчыць Лукашэнка?
Аляксандр Лукашэнка / Reuters
— Я лічу, што прэзідэнт Пуцін і прэзідэнт Зяленскі павінны сустрэцца. Ведаеце, чаму? Таму што мы хочам спыніць забойства мільёнаў людзей, — заявіў прэзідэнт ЗША Дональд Трамп 21 лютага падчас размовы з журналістамі ў Белым доме.
Раней у падобнай сітуацыі Лукашэнка б тут жа прапанаваў пляцоўку ў Беларусі, але зараз, чамусьці, маўчыць. Што здарылася?
— Гэта той выпадак, калі Мінск мог бы перахапіць ініцыятыву і прапанаваць сябе ў якасці пляцоўкі. Але ўлады захоўваюць маўчанне, бо ведаюць, што Пуцін катэгарычна не хоча сустракацца з Зяленскім, а сам Зяленскі не паедзе ў Беларусь, — тлумачыць гісторык і палітычны аглядальнік Аляксандр Фрыдман.
