Танкер са 130 тысячамі тон мазуту тоне ў порце на поўначы Расіі
Порт Усць-Луга / lenoblinvest.ru
Танкер Koala са 130 тысячамі тон мазуту на борце тоне ў порце Усць-Луга ў Ленінградскай вобласці Расіі. Перад адплыццём у яго машынным аддзяленні прагучалі тры выбухі, пасля якіх карабель пачаў напаўняцца вадой.
Усць-Луга — галоўны порт для адгрузкі нафты і нафтапрадуктаў у Балтыйскім моры. Пасля ўвядзення санкцый, якія зрабілі недасяжнымі для Мінска порты краінаў Балтыі, Беларусь разлічвае пабудаваць там уласны грузавы тэрмінал.
Расійскія медыі пацвярджаюць факт выбуху. Пішуць, што пацярпелых на танкеры няма, а грузавыя рэзервуары не пашкоджаныя.
