Сям’я з Бярозы незаконна нагандлявала Br 163 тыс на “вопратцы поштай”
Сям’я з Бярозы нагандлявала 163 тысячы беларускіх рублёў на “вопратцы поштай” і цяпер будзе адказваць за незаконную прадпрымальніцкую дзейнасць, піша “Першы Рэгіён”.
Паводле звестак Кобрынскага міжраённага аддзела УДФР Камітэта дзяржкантролю па Брэсцкай вобласці, бацька, дачка і яе былы муж цягам трох гадоў вялі неафіцыйны бізнэс па продажы адзення. Яны прывозілі тавар з Украіны пад выглядам рэчаў для асабістага выкарыстання, а потым рэкламавалі яго ў сацыяльных сетках. Пакупнікам тавар рассылалі поштай накладзеным плацяжом.
Цяпер на сваякоў завялі крымінальную справу за незаконную прадпрымальніцкую дзейнасць. Справу перадалі ў пракуратуру для накіравання ў суд.
