Сувалкскі калідор: Крэмль пачаў рыхтаваць расіян да новай вайны — эфір

Старшыня Марской калегіі і памочнік прэзідэнта РФ Мікалай Патрушаў нечакана ўбачыў пагрозу для Калінінграда і рашуча папярэдзіў патэнцыйных агрэсараў: “Любое ваеннае пасягальніцтва на Калінінградскую вобласць сустрэне імгненны і сакрушальны ўдар з прымяненнем усіх сіл і сродкаў, якія маюцца ў Расіі”… Хто плануе напад — Патрушаў не ўдакладніў. Але прычыну гэтага папярэджання эксперты бачаць у неабходнасці “прагрэць расійскую аўдыторыю” перад тым, як расійская армія (а можа і не толькі расійская) пачне “прабіваць” Сувалкскі калідор. Рабіць тое, пра што раней папярэджвалі заходнія ваенныя эксперты і вайскоўцы.

Ці ўспрымаюць сур’ёзна ў Еўропе папярэджанні пра верагоднасць нападу Расіі на краіны ЕС і ці гатовыя ў Літве і Польшчы абараняць Сувалкскі калідор? Што будзе значыць такі напад з тэрыторыі Беларусі для нашай краіны і ці здольны Лукашэнка спыніць такое развіццё падзей? Як адрэагуюць лідары краін ЕС на папярэджанне Трампа пра шкоднасць ветракоў і небяспеку міграцыі? Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.