Спецпрадстаўнік Трампа назваў Зяленскага "рашучым і мужным лідарам"

Спецпрадстаўнік прэзідэнта ЗША Дональда Трампа ў пытаннях Украіны і Расіі Кіт Келаг пракаментаваў сустрэчу з украінскім прэзідэнтам Уладзімірам Зяленскім. "Доўгі і напружаны дзень з вышэйшым кіраўніцтвам Украіны, — піша дыпламат у Х. — Шырокія і пазітыўныя дыскусіі з Зяленскім, рашучым і мужным лідарам ваюючай краіны, і яго таленавітай камандай па нацыянальнай бяспецы".

Келаг быў у Кіеве 19-20 лютага. Спачатку ён правёў сустрэчы з галоўнакамандуючым УСУ Аляксандрам Сырскім, кіраўнікамі спецслужбаў, кіраўніком офіса прэзідэнта Украіны Андрэем Ермаком. Украінцы паспрабавалі данесці "поўную інфармацыю пра тое, што адбываецца на фронце". На наступны дзень адбылася сустрэча з Зяленскім.

Аднак ніякіх заяў пасля гэтага спецпрадстаўнік Трампа не зрабіў, а яго прэс-канферэнцыя па выніках перамоваў з Уладзімірам Зяленскім была адмененая. Як піша "Бі-Бі-Сі", аб адмене прэс-канферэнцыі папрасіў амерыканскі бок. Зяленскі пасля сустрэчы напісаў у сацсетках, што Украіна гатовая "да моцнага, сапраўды карыснага пагаднення" з ЗША ў інвестыцыях і бяспецы.

Сустрэча Уладзіміра Зяленскага з спецпрадстаўніком прэзідэнта ЗША адбылася пасля жорсткіх і несправядлівых заяў Дональда Трампа. Спачатку ён сказаў, што ў Зяленскага нізкі рэйтынг ва Украіне, а пасля назваў яго "дыктатарам".