Следчыя знайшлі мужчыну, які згвалціў і забіў дзяўчынку 19 гадоў таму

Брэсцкія следчыя раскрылі забойства 14-дзяўчынкі, здзейсненае 19 гадоў таму. Злачынцу вылічылі па ДНК.

28 чэрвеня 1999 года ў раёне вуліцы Заводскай у Баранавічах невядомы мужчына згвалціў, а пасля ўдарыў нажом у шыю 14-гадовую дзяўчынку. Аглядаючы месца здарэння, следчыя знайшлі каля цела біялагічны матэрыял, які мог належаць злачынцы. Аднак тады атрымаць яго ДНК і параўнаць з іншымі ўзорамі не ўяўлялася магчымым.

Праца па крымінальнай справе не спынялася з 1999 года, распавядае прадстаўнік Следчага камітэта па Брэсцкай вобласці Дзмітрый Іванюк. У лютым 2018 года эксперты атрымалі біялагічныя ўзоры асоб, якія здзейснілі ў Брэсцкай вобласці некалькі разбояў. Іх зверылі з узорамі, якія засталіся пасля нераскрытых злачынстваў мінулых гадоў. Біялагічны матэрыял аднаго з разбойнікаў супаў з генатыпам, знойдзеным у Баранавічах у 1999 годзе.