За верасень колькасць “праблемных” крэдытаў узрасла на чвэрць
А за апошнія 5 месяцаў колькасць банкаўскіх пазыкаў, з вяртаннем якіх людзі маюць праблемы, падвоілася.
Нацыянальны банк апублікаваў статыстыку па так званых “праблемных” крэдытах. З пачатку года крэдытны партфель беларускіх банкаў істотна пагоршыўся. На 1 студзеня колькасць “праблемных” крэдытаў складала 100,6 мільярдаў рублёў. 1 кастрычніка гэта ўжо іншая лічба: 208,4 мільярдаў рублёў.
Цікава, што пры пачатку года беларусы спраўна скарачалі колькасць “праблемных” крэдытаў. Напрыклад, на 1 траўня банкі мелі праблемы са спагнаннем 91,8 млрд. рублёў пазыкаў. Але ўжо ў 1 чэрвеня, пасля дэвальвацыі, колькасць “праблемных” крэдытаў падскочыла да 120,6 млрд.
З 1 чэрвеня колькасць “праблемных” крэдытаў атрымалася нязначна скараціць толькі ў жніўні. А найбольш “праблемная” пазыка беларусаў перад банкамі ўзрасла ў верасні: з 145,2 пры пачатку месяца да 208,4 на 1 кастрычніка.
Амаль палову “праблемных” крэдытаў (87 млрд.) не аддаюць жыхары Мінска. На другім месцы сярод даўжнікоў жыхары Брэсцкай вобласці (33,7 млрд.). Трэцяе месца трымае Гомельшчына — 22,1 млрд.
