Washington Post: Стала вядома, чаму Царнаевы арганізавалі выбухі ў Бостане
19-гадовы Джахар Царнаеў, абвінавачаны ў здзяйсненні тэрактаў, дае сведчанні следчым.
Як паведамляе газета Washington Post, ён распавёў на допыце, што тэракты падчас марафона ў Бостане разам з братам Тамерланам (забіты ў перастрэлцы з паліцыяй) арганізавалі пад уражаннем ад войнаў у Іраку і Афганістане.
Нагадаем, Царнаеў быў затрыманы ў ноч на 20 красавіка ў прыгарадзе Бостана Уотэртаўне. Пры гэтым атрымаў некалькі раненняў.
Два выбухі з інтэрвалам у 12 секундаў прагучалі ў Бостане ў падчас міжнароднага марафона. Загінулі тры чалавекі (грамадзянка Кітаю і двое амерыканцаў, сярод якіх — васьмігадовае дзіця), 183 атрымалі раненні.
Джахару Царнаеву на днях выставілі абвінавачанне ва ўжыцці зброі масавага паражэння і наўмысным знішчэнні маёмасці пры дапамозе выбуховых прыстасаванняў, што пацягнула гібель людзей.
