У судзе над анархістамі сведка абвінавачвае падсудных
У Заводскім судзе сталіцы працягваецца працэс над актывістамі анархісцкага руху. 23 траўня дапытваюць сведку абвінавачання Захара Канафальскага.
Ён распавёў, што на акцыі каля Генштаба і казіно "Шангры Ла" яго запрашаў абвінавачаны Мікалай Дзядок. Таксама паведаміў, што Дзядок запрашаў яго ў анархісцкую групу "Аўтаномнае дзеянне", перадае сайт "Індымедыя-Беларусь".
Нагадаем, судовы працэс адбываецца над Максімам Веткіным, Яўгенам Селівончыкам, Ігарам Аліневічам, Мікалаем Дзядком і Аляксандрам Францкевічам.
Іх вінавацяць у шэрагу нападаў на будынкі, падпалах і іншых злачынствах. Хлопцам пагражае да 12 гадоў пазбаўлення волі.
