У Мінску працягваюцца суды над затрыманымі 6 ліпеня
Працэсы ідуць у судах розных раёнаў горада.
Як паведамляе БелаПАН, у суд Партызанскага раёна прывезлі 15 чалавек, Фрунзенскага — 7, Кастрычніцкага — 17, Заводскага — 20, Першамайскага — 6, Савецкага, Ленінскага і Маскоўскага — па 19.
На дадзены момант асуджаныя 27 чалавек. Яны атрымалі пакаранні ў выглядзе штрафу ці адміністрацыйнага арышту тэрмінам ад 5 да 15 сутак.
Па звестках праваабаронцаў, па ўсёй Беларусі ўчора затрымалі каля 400 чалавек, у тым ліку каля 200 — у Мінску. Афіцыйнай інфармацыі пра колькасць затрыманых няма.
