Стаўка рэфінасавання вярнулася на 8 гадоў назад
14 кастрычніка стаўку рэфінансавання ўздымаюць адразу на 5%. Ад пачатку 2011 года Нацбанк падымае яе ў дзясяты раз.
14 кастрычніка Нацбанк падымае стаўку рэфінансавання да 35% гадавых. Апошні раз Нацбанк павышаў стаўку рэфінансавання роўна месяц таму — 14 верасня.
З пачатку 2011 года стаўка рэфінансавання ўзрастае дзясяты раз. Агулам яна павысілася на 24,5%, ці амаль у 2,5 раза.
“Гэтае рашэнне з’яўляецца чарговым крокам у паслядоўнай рэалізацыі агульнаэканамічнай палітыкі Нацыянальнага банку і ўрада, накіраванай на макраэканамічную стабілізацыю, памяншэнне ціску на абменны курс беларускага рубля і зніжэнне ўзроўню інфляцыі”, — адзначаецца ў паведамленні ўпраўлення інфармацыі Нацбанку.
Апошні раз стаўка рэфінансавання была роўная 35% у красавіку-траўні 2003 года.
