Сёння працягнуцца суды над удзельнікамі Плошчы
Справы удзельнікаў акцыі 19 снежня будуць разглядаць суды Фрунзенскага, Партызанскага, Маскоўскага раёна Мінска.
Сёння суд Фрунзенскага раёна Мінска працягне разгляд крымінальнай справы Уладзіміра Някляева, Віталя Рымашэўскага, Андрэя Дзмітрыева, Аляксандра Фядуты, Насты Палажанка і Сяргея Вазняка. Яны абвінавачваюцца ў арганізацыі і падрыхтоўцы дзеянняў, якія груба парушаюць грамадскі парадак, альбо актыўны ўдзел у іх.
Суд Партызанскага раёна Мінска сёння працягне разгляд крымінальнай справы за арганізацыю масавых беспарадкаў Андрэя Саннікава, Іллі Васілевіча, Алега Гнедчыка, Фёдара Мірзаянава і Ўладзіміра Яроменкі. Ім пагражае да 15 гадоў зняволення. На ранейшым паседжанні Саннікаў і Мірзаянаў не прыўзнаў віны. Яроменак прызнаў . Гнедчык прызнаў віну часткова. Адвакаты заявілі хадайніцтва пра дадатковы допыт Ірыны Халіп і Змітра Бандарэнкі. Пытанне пра магчымасць задавальнення хадайніцтва будзе разгледжана сёння.
Суд Маскоўскага раёна Мінска працягне разглядаць крымінальныя справы Дзмітрыя Дароніна, Сяргея Казакова, Уладзіміра Лобана, Віталя Мацукевіча, Яўгена Сакрэта і Алега Федаркевіча. Іх вінавацяць ва ўдзеле ў масавых беспарадках. Цалкам не прызнае абвінавачанне Даронін. Астатнія часткова прызнаюць
