Сёння будуць судзіць магілёўскую каардынатарку БХД Таццяну Шамбалаву
23 траўня адбудзецца паседжанне абласнога суда па разглядзе касацыйнай скаргі Шамбалавай на рашэнне суда ў справе скаргі на дзеянні супрацоўнікаў КДБ.
Шамбалава хоча абскардзіць яе пастаноўку на прафілактычны ўлік за дзейнасць у складзе незарэгістраванай палітычнай партыі БХД і за ўдзел ў Плошчы, правядзенне прафілактычнай гутаркі, вынясенне афіцыйнага папярэджання пра недапушчальнасць супрацьпраўных паводзінаў, паведамляе прэс-служба БХД.
