Prokopovi.ch: Калі абменнікі “закрыюць”, будзе ўсплёск крыміналу!

Нагадаем, Нацбанк рэкамендаваў некаторым беларускім банкам перавесці абменнікі выключна ў рэжым пакупкі валюты. Гаворка ідзе пра абменнікі, размешчаныя на тэрыторыі буйных гандлёвых цэнтраў і кірмашоў. Валюту, якую туды здаюць, будуць накіроўваць на сацыяльна значныя мэты.
Гэтыя меры пагражаюць працы электроннага пункта абмену валют prokopovi.ch. Раней можна было пазбегнуць адказнасці за незаконныя валютныя аперацыі, мяняючы грошы праз абменнікі. Цяпер жа Нацбанк пачынае закрываць гэтую магчымасць.
“Нічога добрага з гэтай нагоды сказаць не магу, — кажа стваральнік сайта prokopovi.ch Пётр. — Калі ўсе абменнікі “закрыюць", будуць дадатковыя рызыкі, усплёск крыміналу. Ізноў жа, калі “закрыюць” усе абменнікі, рост неафіцыйнага курса будзе большы”.
Тым часам, 24 жніўня на сайце prokopovi.ch вялікі наплыў наведвальнікаў. Таму сайт працуе з перабоямі.
"Чорны курс" долара пры гэтым узняўся да 8,5-9 тысяч рублёў.