Падчас салюту машына ДАІ пратараніла прыпаркаваны легкавік (фота)
Калі скончыўся салют, уладальнікі "Таёты" вярнуліся да свайго аўто, прыпаркаванага на збочыне. Яны былі шакаваныя.
3 ліпеня 2011 года пасля 23:00 некалькі машынаў спыніліся на збочыне вуліцы Арлоўскай, каб паглядзець на салют. А калі ён скончыўся, і ўладальнікі "Таёты" вярнуліся да свайго аўтамабіля - яны былі шакаваныя. Побач з іх машынай стаяла срабрыстае аўто ДАІ. Разбітае. Таксама, як і "Таёта".
Па словах відавочцаў, супрацоўнікі ДАІ таксама былі шакаваныя аварыяй. А калі шок прайшоў, пачалі вінаваціць у тым, што адбылося, кіроўцу аўтамабіля "Рэно", які рухаўся перад імі. Маўляў, той іх падрэзаў...
Фота: MoRT для forum.onliner.by.
