Лонданская паліцыя па падазрэнні ў забойстве арыштавала падлетка
16-гадовага жыхара англійскай сталіцы падазраюць у забойстве 68-гадовага пенсіянера на захадзе Лондана.
Па дадзеных паліцыі, падлетак напаў на пажылога чалавека падчас беспарадкаў у мінулы панядзелак. Пенсіянер памёр ад атрыманых ранаў ўвечары ў чацвер, паведамляе ВВС.
Нагадаем, што беспарадкі ў Лондане і некаторых іншых гарадах Вялікабрытаніі працягваліся амаль тыдзень. Іх ахвярамі сталі чатыры чалавекі.
