Каля 5% выпускнікоў-платнікаў папрасілі БДУ размеркаваць іх
Такую статыстыку ў сваім відэаблогу агучыў рэктар БДУ Сяргей Абламейка.
У сваім відэаблогу рэктар БДУ Сяргей Абламейка падсумаваў вынікі сёлетнагя размеркавання.
Па яго словах, колькасць размеркаваных бюджэтнікаў у параўнанні з мінулым годам вырасла на 1% і сёлета склала 95%. Яшчэ 3% атрымалі ільготнае размеркаванне. Астатнія 2% дагэтуль “удакладняюць сваё месца працы”.
“Вельмі прыемна, што сёлета даволі шмат студэнтаў, якія атрымлівалі адукацыю платна, звярнуліся да нас, каб атрымаць першае месца працы. І мы прыкладна 5% платнікаў дапамаглі і далі магчымасць выбраць першае месца працы з тых заявак, якія мы атрымалі”, — дадаў рэктар.
