Ганчарэнка: Каб абыграць такога саперніка, мы мусім быць вельмі дзёрзкія

Нападнік БАТЭ Матэя Кежман зноў не гатовы згуляць увесь матч супраць “Мілана”.

“Кежман апошнім часам выпаў з трэніровачнага працэсу, — распавёў на прэс-канферэнцыі ў Мінску галоўны трэнер БАТЭ Віктар Ганчарэнка. — Каб не выпадаў, быў бы гатовы згуляць 90 хвілінаў, а так яго, напэўна, не хопіць. Тым не менш, ён гатовы выйсці на поле на 60, на 70 хвілінаў — на столькі, на колькі будзе трэба”.

На думку галоўнага трэнера БАТЭ, найбольшай небяспекі яго камандзе трэба чакаць ад абаронцы італьянцаў Ігнацыя Абатэ:

Віктар Ганчарэнка: “Найбольш небяспечны, на маю думку, гулец “Мілана” ў апошніх гульнях — Абатэ. Кожнае яго падключэнне — гэта як мінімум небяспека для саперніка”.

Шанцы перамагчы заўсёды ёсць, тым больш БАТЭ гуляе ў сябе дома.

“Каб абыграць такога саперніка, мы мусім быць вельмі дзёрзкія”, — падсумаваў Ганчарэнка.