Брэсцкіх "маўчуноў" будуць судзіць за "нецэнзурную лаянку"
Шасцярых чалавек, затрыманых падчас учорашняй "маўклівай акцыі" ў Брэсце, вінавацяць у дробным хуліганстве.
Вядомыя пакуль што імёны толькі траіх з шасці. Гэта актывіст аргкамітэта аб'яднання "Маладая Беларусь" Юры Бацук, актывіст Свабоднага прафсаюзу Беларускага Станіслаў Фіцько, брэстаўчанін Эдвард Хорах.
Як інфармуе БелаПАН, усе шасцёра правялі ноч у міліцыі. Суды над імі павінны прайсці сёння.
Агулам у Брэсце на "маўклівай акцыі" 6 ліпеня затрымалі 8 чалавек. Аднаго з іх увечары адпусцілі. Лёс яшчэ аднаго затрыманага пакуль невядомы.
