БФФ: “Можа, гэтым аўстрыйскім фанатам проста не хапіла грошай на самалёт?”

Тэкст банэра прыкладна такі: “Мы да вас прыехалі на бусе, бо самалёты не садзяцца ў Беларусі. Дзякуй за тое, што нічога не маеце”.
Не сакрэт, што самалётаў з Вены ў Мінск хапае. Таму з’едлівы выпад аўстрыякаў у Беларусі нікога не зачапіў. Напрыклад, у Беларускай федэрацыі футболу да расцяжкі паставіліся з гумарам.
“Цалкам магчыма, што гэта малазабяспечаныя слаі насельніцтва Аўстрыі вырашылі пабалець за сваю каманду і скарысталіся найбольш танным відам транспарту”, — кажуць у прэс-службе БФФ.
У федэрацыі футболу мяркуюць, што рэагаваць на гэты інцыдэнт (калі на яго ўвогуле трэба будзе рэагаваць) — гэта кампетэнцыя БАТЭ. Маўляў, калі футбольныя заўзятары што-небудзь учыняць на матчы зборнай Беларусі, умяшаецца Федэрацыя. А калі нешта адбываецца падчас еўракубкавых гульняў, разбірацца мусяць клубы.

Фота: goals.by