Ахова прыроды: Вада ў Вілейцы пазелянела, бо квітнее багавінне
Паверхня Вілейскага вадасховішча пакрылася зялёнай пенай. Паводле інспекцыі па ахове прыроды, гэта штогадовая з’ява (фота).
У інспекцыі па ахове прыроды Еўрарадыё паведамілі, што гэта звычайная з’ява прыроднага паходжання.
“Гэта натуральнае штогадовае квітненне сіня-зялёных водарасцяў. У гэтым годзе яно выражана больш яскрава. У штучных вадаёмах ў канцы ліпеня, у пачатку жніўня назіраецца квітненне гэтых водарасцяў”, – суцяшае карэспандэнта Еўрарадыё начальнік інспекцыі па ахове прыроды па Вілейскім раёне Аляксандр Альшэўскі.
Па яго словах, праз гэтыя водарасці часам гіне і рыба, бо рэчыва ад водарасцяў трапляе ў жабры. Між тым, утрыманне кіслароду ў вадзе цяпер вышэй за мінімум, упэўнівае Аляксандр Альшэўскі, таму рыбе не пагражае мор.
Фота: NN.by
