26 красавіка — 25-я гадавіна чарнобыльскай трагедыі
26 красавіка а 18-й гадзіне на пляцоўцы плошчы Бангалор у Мінску адбудзецца жалобны мітынг. Гарадскія ўлады далі дазвол толькі на такі фармат акцыі.
"Чарнобыльскі шлях" павінен сёння адбыцца ў выглядзе жалобнага мітынгу ў сталічным парку Дружбы народаў.
Галоўным лозунгам будзе патрабаванне да ўлады спыніць будаўніцтва атамнай станцыі пад Астраўцом. Апроч таго, у цэнтры ўвагі будуць патрабаванні Свабоды беларускім палітвязням. Мітынг пачнецца з хвіліны маўчання ў памяць ахвяр мінскага тэракту 11 красавіка.
