Расіяне атакавалі Крывы Рог балістычнай ракетай, ёсць загінулыя і параненыя
Вынікі расійскай атакі па Крывым Рогу / ДСНС Днепрапятроўшчыны
2 красавіка расійскія войскі атакавалі прадпрыемства грамадзянскай інфраструктуры Крывога Рога. Вядома пра чатырох загінулых і 13 параненых, перадае hromadske.ua.
Як заявіў старшыня савета абароны Крывога Рогу Аляксандр Вілкул, расіяне ўдарылі па горадзе балістычнай ракетай. На месцы атакі пачаўся пажар. Акрамя прадпрыемства ад удару пацярпелі шматкватэрныя дамы.
Сярод 13 пацярпелых ёсць шасцігадовая дзяўчынка і васьмігадовы хлопчык. Стан хлопчыка ацэньваецца як цяжкі.
Прэзідэнт Украіны Уладзімір Зяленскі, каментуючы гэтую атаку, заявіў, што спыніць такія абстрэлы можна толькі дастатковым ціскам на Расію, каб яна была вымушаная адмовіцца ад вайны.
