Расіяне атакавалі дронам пасажырскі аўтобус на Днепрапятроўшчыне — 9 загінулых
Аўтобус пасля атакі расійскага дрона / t.me/dnipropetrovskaODA
У горадзе Марганец на Днепрапятроўшчыне расійскі дрон-камікадзэ зранку 23 красавіка атакаваў пасажырскі аўтобус.
У аўтобусе, як перадае hromadske.ua са спасылкай на кіраўніка Днепрапятроўскага абласнога савета Мікалая Лукашука, рабочыя ехалі на працу на прадпрыемства. У выніку атакі дзевяць чалавек загінулі, трыццаць атрымалі раненні.
Таксама ў ноч на 23 красавіка расійскія дроны атакавалі некалькі гарадоў Украіны. У Харкава аб'ектамі атакі сталі грамадзянскія аб'екты, успыхнулі маштабныя пажары, былі разбураныя будынкі. Ахвяр і пацярпелых, паводле папярэдніх звестак, няма.
У Палтаве ад абстрэлу пацярпелі жылыя дамы, прадпрыемствы, склады, гаражы. У выніку атакі параненыя тры чалавекі.
У Адэсе таксама атакавалі грамадзянскую інфраструктуру, былі пашкоджаныя жылыя дамы і будынкі прыватных прадпрыемстваў. Параненыя два чалавекі.
