Праваабаронцы паведамляюць пра ператрусы на "хіміі" ў Круглым
Папраўчая ўстанова адкрытага тыпу / Ілюстрацыйнае фота intex-press.by
На "хіміі" ў Круглым напярэдадні прайшлі ператрусы і допыты, паведамляюць праваабаронцы. Тут адбываюць тэрміны 10 палітвязняў.
Паводле дадзеных праваабаронцаў, ператрусы і допыты праводзілі супрацоўнікі КДБ. З адным з палітвязняў яны размаўлялі каля 12 гадзін.
Нагадаем, раней з'явілася інфармацыя пра ператрусы на "хіміі" ў Ваўкавыску і Магілёве. У першай папраўчай установе адкрытага тыпу знаходзяцца 9 палітвязняў, у другой — каля 20. У Магілёве зняволеных праз ператрусы нават не выпусцілі на працу.
