Пра кіно і дэмакратыю без хлусні і папулізму — размова з Хэленай Тршэшцікавай

Хэлена Тршэшцікава — легенда чэшскай кінадакументалістыкі. Аўтарка больш за 50 фільмаў, працуе з метадам доўгатэрміновга назірання ці часазборнага кіно — то бок, фіксуе жыццё сваіх герояў цягам доўгіх гадоў.

Падчас паездкі ў Прагу мы пагутарылі з Хэленай пра творчасць у часы цэнзуры і сацыялізму. Пра тое, як змянілася Чэхія пасля “аксамітнай” рэвалюцыі і ці можа быць творца па-за палітыкай. Пра тое, ці скончылася эпоха постсавецкага пад’ёму і веры ў дэмакратыю і што рабіць з крызісам надзеі, які апанаваў свет і наш рэгіён.
А яшчэ Хэлена дала парады беларускім рэжысёрам у эміграцыі.