Памятная шыльда ў гонар беларуса, які абараняў горад, з'явіцца ў Ірпені

Ва ўкраінскім Ірпені з'явіцца мемарыяльная шыльда ў памяць пра беларуса Змітра Апанасовіча, які загінуў у сакавіку 2022 года пры абароне горада, піша ITV.

Апанасовіч (пазыўны "Тэрор") прыехаў ва Украіну ў сакавіку 2022 года разам з Паўлам Горбачам (пазыўны "Борт"). Абодва беларусы ўдзельнічалі ў баях за Ірпень пад кіева. Там 24 сакавіка 2022 года Апанасовіч атрымаў смяротнае раненне.

Зміцер Апанасовіч нарадзіўся ў Смаргоні ў 1989 годзе. У 2013-2014 гадах служыў у 38-й дэсантна-штурмавой брыгадзе ў Брэсце. Апошнія чатыры гады жыў у Польшчы, працаваў дальнабойнікам. Пасля шырокамаштабнага ўварвання расійскага войска ва Украіну ён вырашыў далучыцца да яе абароны. 25 лютага, на другі дзень пасля пачатку поўнамаштабнай вайны, ён выехаў ва Украіну. 

Еўрарадыё публікавала інтэрв'ю, якое маці Змітра Апанасовіча ўзяла ў яго сябра і камандзіра Паўла Горбача.