"Нёман" пасля скандальнага кубкавага матчу з "Дынама" згуляў унічыю з "Іслаччу"
Галоў гледачы не ўбачылі / ФК "Ислочь"
5 сакавіка прайшоў чарговы матч чвэрцьфіналу Кубка Беларусі па футболе. Гродзенскі "Нёман" і "Іслач" разышліся мірам, галоў гледачы не ўбачылі — 0:0. Гульня ў адказ пройдзе 9 сакавіка.
Нагадаем, што раней "Нёман" выбіў мінскае "Дынама" з Кубка Беларусі. А галоўнай зоркай таго матчу стаў трэнер гарадзенцаў Ігар Кавалевіч, які паказаў абразлівы жэст супернікам з дынамаўскай лаўкі.
У выніку трэнер атрымаў чырвоную картку і матч супраць "Іслачы" назіраў з трыбун. А пасля гульні яго абступілі дзеці і фатаграфаваліся з ім.
Раней у першых чвэрцьфінальных матчах брэсцкае "Дынама" згуляла ўнічыю — 0:0 — супраць"Тарпеда-БелАЗ". "МЛ Віцебск" атрымаў валявую перамогу над "Белшынай" — 2:1. А "Віцебск" разабраўся са "Слуцкам" — 2:0.
